موضوع هام للنقاش أدخل شوف

بصراحة انا رائ من رائ ملكة
التعليم فى مصر فاشل من الدرجة الاولة
واللى يقول غير كده يبقا كده
واكبر دليل على كده
فى اخر تصنيف بتعملوا الامم المتحدة فى الجامعات على مستوى العالم
احنا تصنيفنا بعد ال200 جامعة على مستوى العالم
عارفة يعنى ايه جامعة عين شمس وجامعة القاهرة وحلون اللى الناس طالعة بيهم القلعة
واللى يدخل جامعة فيهم يافرحة امه بيه ويبقا يوم عيده ويتقال عليها كليات القمة
يبقوا كليات القمة دول فى التصنيف العالمى بعد ال200
ده معناه ان مفيش تعليم فى مصر اصلا هتقولوا ده متخلف عقليا بنتكلم على الثانوية يكلمنا على الكليات
ماهى الكلية مرحلة مابعد الثانوية العامة
انا واحد من الناس دخلت ثانوية زفط عامة ومش فاكر والله كنا بندرس كام مادة فى اولى ثانوى بس كانوا حوالى 17
ورحيق تقدر تفيدنا فى العدد ده
فى شرع مين انى ادرس 17 مادة واطالب انى اطلع من المتفوقين دى اولى ثانوى دى
اول صدمة فى الثانوى العام ممكن نتصدمها ومحدش يقولى ان ال17 مادة تافهين
كميا واحياء وفلسفة وانجليزى ولغة تانية غير الانجليزى كمان وتاريخ وجغرافيا ورياضة بحته وجبر وحساب مثلثات
ومتعدش بيدولك اللى ليك فيه واللى ملكش فيه
تطلع 2 ثانوى من 17 مادة يدولك 5 مواد ياحول الله يارب ايه قمية الغباء دى ده انت بتنزلنى 7 ارض
من بعد 17 ترسى على 5
انا واحد من الناس كنت ادبى والناس بتعتقد ان الادبى سهل او هو حفظ وخلاص الواحد يحفظ كلمتين ويدخل يكرهم
كتاب التاريخ لوحده اللى بندرس فيه من ايام الملك مينا لايام نصر اكتوبر المجيد
مطالب عليكى انك تبقى ذاكرتك دى ذاكرة انشتاين علشان تعرفى التواريخ دى كلها غير باقى المواد
ندخل بقا على المدرسين ومع احترامى لكل المدرسين وان فى مدرسين لحد دلوقتى جزمتهم على راسى من فوق
بس اغلبيتهم شوية متخلفين جايبنهم يشرحوا لناس مش فاهمة حاجة
انا مدرس الالعاب فى مدرستى كان الباب ميعدهوش وفى الفسحة نلاقيه قافل الباب عليه وبيشرب بانجو
هتقولى عرفت منين والباب مقفول الريحة ماشاء الله منعنشة
مدير المدرسة كان فوق ال60 سنة يعنى يدوب بيبص قدامه
انا فاكر كنت داخل مرة المدرسة ولابس تشيرت برشلونة لقيته قام مسكنى لابسلى هدوم اليهود
ياعم الحاج دى برشلونة اللى بتلعب كورة يقولى لا دى نجمة داود وفين وفين على مااقتنع
مدرس الفلسفة حاله من حال مدرس الالعاب ولما كنت اسئله ليه بتعمل كده بيقولى وانا معدى الشارع انا وابنى
جه اتوبيس خبطه الواد مات ومن ساعتها وانا كده مدمن يعنى
طيب ده ازاى يعلم اجيال غير بقا اللى قاعدينلك لتاخد عندهم درس لاما هيطلعوا عينك وعين اللى جابك
والدروس فى القاهرة ماشاء الله غير الارياف
اقل درس من 50 لـ60 جنيه
لما طالب ياخد مثلا دروس فى ال5 مواد بحوالى 300 جنيه فى الشهر ويجى اخر السنة يسقط ليه وبتاع ايه
من الاخر التعليم فى مصر كل مده فى النازل
ومننساس اخر السلسلة اللى ضرب عيل فى المدرسة بالشلوت الواد مات
واللى قالت للبت الصغيرة مش عارف هاعلقك من ودانك البت خافت جالها ساكتة ماتت
والمدرسين اللى قاعدين يحششوا فى الطبور ودخلت عليهم مدرسة واحد منهم قعد يلمعلها الجزمة
غير المدرس المعروف اللى كن بيصور البنات فى اوضاع مخلة
غير وزراء التربية والتعليم بتوع شيلوا سنة سادسة هاتوا سنة سادسة
التعليم فى مصر باختصار
فااااااااااااااااشل

عندك حق يا ملكه
والله التعليم بقى مش كويس خالص

سؤال معلش للأخت لؤلؤة
حضرتك زعلانة ومحملة على الطلبة قوى قوى قوى
ممكن اعرف حضرتك شهادتك ايه
وخبرتك بيها ايه
يعنى من الاخر ختى الشهادة دى وفهماها حق المعرفة
واللى ختيها كمجرد شهادة ومش فاهمة منها حاجة
لو ختيها كمجرد شهادة ومش فاهمة منها حاجة
يبقا حالك من حال الطلبة اللى حكمتى عليهم
ولو ختيها وفهماها حق المعرفة عملتى بيها ايه
ولو قولتى قعدت فى البيت علشان مفيش شغل
هقولك انتى من البداية اصلا فى كذا موضوع رافضة شغل الست
يبقا اتعلمتى ليه وختى شهادة من اصله
لو جاوبتى على الاسئلة دى
يبقا فعلا هاتحسى بالى حسينوا الطلبة دلوقتى

بالظبط يا عمرو قولت أللى عايزه أوصله
الغريبه بقى دلوقتى أنهم بقوا بيجيبوا فى الأمتحانات
مواد خارج المنهج الدراسى

والعياال جاتلهم صدمه وبيحلفوا مليون يمين
أن أللىفى ورقة الأمتحان لم يدرسوه

وأنت بتقول أن الماده فى الشهر 50 60 جنيه يعنى آخر الشهر يدفع 300 جنيه ده كان زمان

دلوقتى المدرس بيتحاسب الحصه والحصه بقت 50 جنيه
يعنى الماده الواحده هى أللى بتكون 300 جنيه
أضربهم بقى فى 5 أو 6 مواد

وتعالى أيام الأمتحانات لازم تشترىالملازم ولم مشتريتش
يبقى هتطلع بماده
والعيال يا عينى تخاف ولازم يطلع عين أبوهم
سورى فى اللفظ
كل ده علشان العيال وأهلهم نفسهم يتعلموا
كل أسره نفسها عيالها تبقى أحسن منها
ولكن للأسف كل طالب أللى ينتحر أو أللى يجيله سكته قلبيه
وفى الآخر لؤلؤه تقول مش عاجبكم التعليم متتعلموش
طيب سؤال
فى زمانا هذا عريس رايح يتقدم لعروسه
والد العروسه أول سؤال بيسأله أنت معاك شهاده أيه
وبعدها بيسأل بتشتغل أيه
ولو بنته متعلمه تعليم عالى يبقى ده سبب الرفض
أزاى أجوز بنتى لواحد هى تعليمها أكبر منه
مش هيتفهموا مش هيكونوا مناسبين
ومش ومش ومش وتخلق الأسباب للرفض
حتى لو البنت والولد بيموتوا فى بعض
يبقى سبب الرفض الشهاده
يبقى أزاى بقى منتعلمشى
بلاش حمل أخطاء الوزاره والتعليم على الطلبه والأهالى الأبرياء
أللى كل ذنبهم أنهم نفسهم أولادهم يتعالموا
ويكون معاهم شهاده كبيره

أنا بعتذر على الطاله
وبشكر كل من مر من هنا
بالتوفيق للجميع
ملكه

والله العظيم ياملكةوعمرو معاكم حق في كل حرف التعليم فاشل بيزيداكترياريتة بيتعدل والطلابة غلابةوبتدمرنفسيتهم

طول الوقت وكل مرحلةتعدي عليهم اللي بينتحرواللي يتقعدوزارة التربيةوالتعليم ولاهاممهاكل دا اللي بيتقهراهالي الطلاب

علي ولادهم مستقبل زفت مالوش نهايةوفلوس ضايعه يارتهابفايدةنقول مش مهم ومعيشةبتغلي والمسئولين حاطين اديهم

في ميةتلج حسبي الله ونعم الوكيل مش كفايه الشباب اللي طفشت للخارج كمان بيعقدالاطفال اللي طالعين لدنياالمفروض

تبقي وزراة التطفيش والتدمير دا الاسم الافضل ليهاالحال في النازل يارتهم بيعدلوويتقوربناحسبي الله ونعم الوكيل معيشه

بتغلي وشباب اتخرج بلدة اللي مفروض تكفئةبوظيفةبعدتعب سنين دراسة لادي بتعجزةوبدمرة والحال يبقي انتحاراوهجرة لبلاد

الخارج اوشغل ياريته يكفي ويبني مستقبل ويبقي الحال زفت ياوزراة التطفيش والتدمير